နှစ်ကိုယ်ခွဲ

ကျွန်တော် အိပ်ရာမှ နိုးလာသောအခါ ကျွန်တော့်ရှေ့တွင် ကြီးမားသော အမှောင်ထုကြီး ရှိနေ၏။ ကျွန်တော် ဘာကြောင့် အိပ်ရာမှ နိုးလာသနည်း။ ကျွန်တော်သည် အိပ်မက် တစ်ခုကြောင့် နိုးလာခဲ့ခြင်း မဟုတ်ပါ။ ဘာအိပ်မက်မှ မမက်တာလည်း ကာလ တော်တော် ကြာနေခဲ့ပါပြီ။ အမှောင်ထဲတွင် မျက်တောင် တစ်ချက် နှစ်ချက် ခတ်ပြီး တခဏ ငြိမ်သက် နေလိုက်စဉ် ကျွန်တော် ဘာကြောင့် နိုးလာသည်ကို သိလိုက်၏။ ထိုအခါ ကျွန်တော်သည် အိပ်ခန်းထဲမှ ထွက်ပြီး အပြင်ဘက် ၀ရန်တာ တံခါးကို ဖွင့်လိုက်သည်။ ကျွန်တော်၏ ကြယ်ကလေးကို နှုတ်ဆက်ရန် ဖြစ်ပါသည်။



မည်းနက်သော ကောင်းကင်တွင် လမင်းလုံးဝ မရှိပါ။ အမျိုးအစား ကွဲပြားသော ကြယ်ပေါင်းများစွာသည် ပြိုးပျက် လင်းလက်စွာ ဖွာလန်ကျဲနေသည်။ မိုးကုပ်စက်ဝိုင်း အထိ ပြန့်ကျဲနေသော မဆုံးနိုင်သည့် ကြယ်ပေါင်းများစွာ ထဲမှ ကျွန်တော့်ကြယ်ကို ကျွန်တော် ဘယ်လို ရှာနိုင်သလဲ ဆိုသည့် မေးခွန်းမှာ တော်တော် အဖြေရခက်သော မေးခွန်းဖြစ်၏။ သို့သော် ကျွန်တော့် ကြယ်ကို ကျွန်တော် သိပါသည်။ မှန်တစ်ချပ် ရှေ့မှာ လူတွေအများကြီး မတ်တပ် ရပ်နေကြသည့်အခါ လူတစ်ယောက်သည် မှန်ထဲမှ မိမိကိုယ်ကို အခြားသူများထဲမှ လွယ်ကူစွာ သီးသန့်ခွဲခြား ၍ မြင်ရသကဲ့သို့ ကျွန်တော့် ကြယ်လေးကို ကျွန်တော် မြင်ရပါသည်။



ဟိုးမှာ အခြားကြယ်များနှင့် မတူ ဖျော့မှိန်စွာ မှိတ်လိုက် လင်းလိုက် ပြုံးနေသော ကြယ်ကလေးကို ကျွန်တော် မြင်ရပါသည်။ အဲဒီ ကြယ်ကလေးနှင့် တည့်တည့်ဆီမှာ ကျွန်တော့်အိမ် ဖြစ်သည်။ ကျွန်တော့် အိမ်မှာ ဝေးကွာ လှပါသည်။ ကျွန်တော်သည် အိမ်ကို လွမ်းဆွတ်သော စိတ်နှင့် မကြာခဏ ငိုေ

ဘယ်အချိန် ကစပြီး ကြယ်ကလေးကို ကျွန်တော် ပိုင်ဆိုင်သွားသလဲ ဆိုတာ အတိအကျ ကျွန်တော် မမှတ်မိပါ။ သို့မဟုတ် ကြယ်ကလေးက ကျွန်တော့်ကို ပိုင်ဆိုင်သွားတာလည်း ဖြစ်နိုင်ပါသည်။ အကြောင်းမှာ ကြယ်ကလေး သည် ကျွန်တော့်ကို အိပ်ရာမှ နှိုးတတ်သည်။ ကြယ်ကလေးသည် ကျွန်တော့်ကို ငိုေ



ကျွန်တော့်ကို အိပ်ရာမှ နှိုးတိုင်း ကြယ်ကလေးတွင် ကျွန်တော့်ကို ပြောပြရန် ပုံပြင်တစ်ခုခု ရှိနေသည် ချည်း ဖြစ်၏။ ကြယ်ကလေး ပြောပြသောကြောင့် ကြယ်ကလေးကို ပိုင်ဆိုင်သူမှာ ကျွန်တော်တစ်ယောက်တည်း မဟုတ်ကြောင်း သိခဲ့ရသည်။ သို့သော် ထိုအခြား တစ်ယောက်သည်လည်း နောက်ထပ် ကျွန်တော် တစ်ယောက်သာ ဖြစ်သောကြောင့် ကျွန်တော် ကျေနပ်ပါသည်။ ယခု ကျွန်တော် နှင့် ဟိုက ကျွန်တော်သည် သွင်ပြင် လက္ခဏာများ ဆင်တူလွန်းသဖြင့် တစ်ခါတစ်ခါ ကျွန်တော် ကိုယ်တိုင်ပင် မည်သည့် ကျွန်တော်လည်းဟု ဇဝေဇ၀ါ ဖြစ်ခဲ့ရသည်။ ကျွန်တော်သည် ပထမကျွန်တော်လား ဒုတိယကျွန်တော်လား ကျွန်တော် မဝေခွဲနိုင်ပါ။ ကြယ်ကလေး၏ အရောင်လက်သော မျက်နှာပြင်ထဲတွင် ကျွန်တော်မြင်နေရသူသည်ပင် ပထမ ကျွန်တော်လား။ သို့မဟုတ်....။



တစ်ခါတစ်ခါ လောက သည် သည်လိုပဲ ရယ်စရာ ကောင်းတတ်ပါသည်။ ရယ်ချင်သောစိတ် ရှိနေစဉ်မှာ ပေါ့လေ။

ကောင်းကင်ရှိ ကြယ်ပေါင်းများစွာထဲကမှ ကျွန်တော်သည် ဤကြယ်သေးသေးလေးကို ကျွန်တော့် ကြယ်အဖြစ် ရွေးချယ်ခဲ့ပါသလဲ။ ကြယ်ကလေးက ပြောပြတာကတော့ ကျွန်တော့်ကိုသာ သူက ရွေးချယ် ပိုင်ဆိုင်ခဲ့ခြင်း ဖြစ်သည်တဲ့။



ပထမ ကျွန်တော်



ကျွန်တော်သည် ငယ်စဉ်ကတည်းက ဘာကြောင့်လည်းဆိုသော မေးခွန်းတစ်ခုကိုသာ စိတ်ဝင်စားခဲ့၏။ ကျွန်တော်တို့ ဘာကြောင့် ကျောင်းသို့ သွားနေကြရပါသနည်း ဟု အမေ့အား ကျွန်တော် မေးခဲ့သောအခါ အမေက ကျွန်တော့်ကို ၀ါးခြမ်းပြားဖြင့် ရိုက်ခဲ့၏။ ပညာ တတ်စေချင်လို့ ပေါ့ဟဲ့ ဟု အမေ အော်ငေါက်ပါသေးသည်။ ကျွန်တော်တို့ ဘာကြောင့် ပညာ တတ်ရမည်နည်း။ ပညာတတ်သူနှင့် ပညာမတတ်သူ ဘယ်သူက လောကနှင့် အဆင်ပြေနိုင် ပါသနည်း။ ပညာတတ်များ ဖြစ်ပါလျက်နှင့် လောကနှင့် အဆင်မပြေဘဲ ဆင်းရဲ ဒုက္ခခံစား နေကြရသူများသည် ဘာကြောင့် ဤအဖြစ်နှင့် ရင်ဆိုင် နေကြရပါသနည်း။ သူတို့ မှားယွင်းခဲ့လို့လား။ ပညာ ကိုယ်တိုင်က မှားယွင်း ခဲ့လို့လား။ ဤနောက်ဆက်တွဲ မေးခွန်းများကို ကျွန်တော့်အား မည်သူမျှ မဖြေခဲ့ပါ။



ကျွန်တော်သည် ပထ၀ီဘာသာကို မသင်ကြားရသေးမီက ၄င်း ဘာသာ ရပ်အပေါ် အလွန်စိတ်ဝင် စားပါသည်။ ကျွန်တော်သိချင်သော မြစ်များ ချောင်းများ၊ ပင်လယ်များ အကြောင်း၊ တောင်ကုန်းများ အကြောင်း ကျွန်တော် သိခွင့် ရတော့မည် ဖြစ်သည်။ မြစ်တစ်ခုသည် ကျဉ်းပြီး၊ အခြားမြစ်တစ်ခုက ဘာကြောင့် ကျယ်ပါသနည်း။ မြစ်တစ်ခုက ဖြောင့်၍ အခြားမြစ်တစ်ခုက ဘာကြောင့် ကွေ့ကောက် ရပါသနည်း။ မြစ်များသည် မြောက်မှ တောင်သို့ စီးဆင်းကြသည် ဆိုလျှင် ပင်လယ်များသည် မည်သည့်အရပ်မှ မည်သည့်အရပ်သို့ စီးဆင်းကြပါသနည်း။ ပင်လယ်ကို ကျွန်တော် မမြင်ဘူးပါ။ နိုင်ငံခြား ပင်လယ်ကို နိုင်ငံခြား ရုပ်ပုံစာအုပ် ထဲမှတဆင့် လှပစွာ မြင်ဖူးပါ၏။

သို့သော် မြန်မာ့ပင်လယ်ကို ဓါတ်ပုံဖြင့် ကျွန်တော် မမြင်ဖူးပါ။ ဟောဟိုနေရာမှာ ပင်လယ်ရှိသည်ဟု ကျွန်တော်ဆွဲသော မြန်မာနိုင်ငံ မြေပုံအောက်ပိုင်းကို စိတ်မှန်းဖြင့် မှန်းဆ ကြည့်ရပါသည်။ ကျွန်တော်တို့ ကျောင်းမှာ ပထ၀ီ သင်သည့်အခါ ကမ္ဘာလုံးကြီး ဖြင့် ပြပြီးသင်ဖို့ ဆရာတွေက ဘာကြောင့် မကြိုးစား ကြပါသနည်း။ ကျွန်းသစ်တောကို ကျွန်တော် မြင်ဖူးချင်သည်။ ရေနံမြေကို ကျွန်တော် မြင်ဖူးချင်သည်။ မေခနှင့် မေလိခ မြစ်ဆုံကို ကျွန်တော် မြင်ဖူးချင်သည်။ ပထ၀ီဘာသာကို သင်ကြားရသောအခါ ၄င်းဘာသာကို လုံးဝ စိတ်ကုန်သွားခဲ့သည်။



ကျွန်တော်တို့တွင် ပြဌာန်း စာအုပ်များ ရှိသည်။ ထိုပြဌာန်း စာအုပ်များထဲမှ ပါဝင်သော အကြောင်းအရာ များကို ကျွန်တော်တို့ ကလေးများ စိတ်ပါဝင်စားအောင်၊ နားလည်အောင်၊ ကျက်မှတ် လိုစိတ်ရှိအောင် ဆရာများက ဘာကြောင့် သင်ကြား မပြခဲ့ပါသနည်း။ ထိုပြဌာန်း စာအုပ်များထဲမှ စာများကို ကျွန်တော်တို့ မှတ်စုစာအုပ်များ ထဲသို့ ၏၊ သည် မလွဲအောင် ဘာကြောင့် ကူးရေးနေကြရပါသနည်း။ ကျွန်တော်တို့ ကလေးတွေမှာ ကျွန်တော်တို့နားမလည်သော စာများကို ကူးရေးနေရသည်ထက် ပို၍စိတ်ဝင်စားဖွယ် ကောင်းသော အရာများ ပို၍လက်တွေ့ ကျသော အရာများစွာ ရှိသည်ဟု ဆရာတွေ ဘာကြောင့် မသိခဲ့ ရပါသနည်း။ သို့မဟုတ် ဘာကြောင့် မသိဟန်ဆောင် ခဲ့ကြပါသနည်း။ ဆရာတို့မှာ စာသင်သည်ထက်ပို၍ လက်တွေ့ကျသော ပို၍စိတ်ဝင်စားစရာကောင်းသော အခြားအရာများ ရှိနေခဲ့ပါသလား။ ကျောင်းသားများ နားလည်အောင် စာသင်ခြင်း၊ ကျောင်းသားများ စိတ်ဝင်စားအောင် ရှင်းပြခြင်း စသည်တို့သည် ဆရာ၏ ဘ၀မဟုတ်ဘူးလား။ ဆရာ၏ အခြား ဘ၀တစ်ခုခု ရှိသေးသလား။ ကျွန်တော်၏ မေးခွန်းများကို မည်သူမျှ မဖြေခဲ့ကြပါ။



ဆရာတစ်ယောက် ကျွန်တော်တို့ မမြင်ဖူးသော အရာများအကြောင်း ရေးထားသည့် စာပိုဒ်များကို ကျွန်တော်တို့အား ဖတ်ပြနေသည်။ ဘာကြောင့် ဖတ်ပြနေသနည်း။ ကျွန်တော်တို့ စာမဖတ်တတ်ဘူး ဟု ထင်နေသလား။ ကျွန်တော်တို့သည် ဆရာ့မျက်လုံးများကို စောင့်ကြည့်ကာ ဆရာ့ စာဖတ်သံကို နားထောင်ရတာ ငြီးငွေ့လာ၏။ ကျွန်တော်တို့သည် ကျွန်တော်တို့၏ ဘောလုံးပွဲများအကြောင်း၊ ကျွန်တော်တို့ ခဏခဏ သွားခဲ့သော မြက်ခင်းများနှင့် တောင်ကုန်းများအကြောင်း၊ ကျွန်တော်တို့ ဖမ်းမိခဲ့ဖူးသော ကြက်တူရွေး တစ်ကောင်အကြောင်း၊ ကြက်တောင်ရိုက် ပြိုင်ပွဲများ အကြောင်းကိုသာ ပြောချင်နေကြပါသည်။



ကြီးလာရင် ဘာလုပ်မလဲဟု ကျွန်တော်တို့ကို လူကြီးများမေးသော အခါတိုင်း ကျွန်တော်တို့အားလုံး စိတ်ထဲက ကသိကအောက် ဖြစ်ခဲ့ကြရသည်။ ကျွန်တော်တို့ ဘာဖြစ်ချင်သနည်း။ ကျွန်တော်တို့ မသိပါ။ ကျွန်တော်တို့သည် တခါတရံ စတားလုံး ဖြစ်ချင်သည်။ တစ်ခါတစ်ခါ အိုင်းစတိုင်း ဖြစ်ချင်သည်။ တစ်ခါတစ်ခါ ဗိုလ်အောင်ဒင် ဖြစ်ချင်၏။ တစ်ခါတစ်ခါ မီးပုံးပျံ ဦးကျော်ရင် ဖြစ်ချင်၏။ တစ်ခါတစ်ခါ ဗိုလ်အောင်ကျော် ဖြစ်ချင်၏။ တစ်ချို့ ကလေးများသည် ငယ်စဉ်ကတည်းက ဆရာဝန် လုပ်ချင်သည်။ စစ်ဗိုလ် လုပ်ချင်သည်၊ စာရေးဆရာ လုပ်ချင်သည် ရည်ရွယ်ချက် ရှိကြပြီး ရည်ရွယ်ချက်အတိုင်း ဖြစ်အောင် လုပ်နိုင်ခဲ့ကြသည်ဟု လူကြီးသူမ များက ပြောကြပါသည်။ အံ့ဖွယ်သရဲ ထူးကဲ လှပါတကား။ သူတို့သည် ဘာကြောင့် သူတို့ကိုယ်သူတို့ သိကြပါသနည်း။ ဘာကြောင့် ရည်ရွယ်ချက် ရှိကြပါသနည်း။ ကျွန်တော့်မှာတော့ ဘာရည်ရွယ်ချက်မှ မရှိ။ ရည်ရွယ်ချက်သည် ဘယ်က လာပါသနည်း။ ရည်ရွယ်ချက်ကို ရအောင် ဘယ်သူ့ဆီက တောင်းခံရမည်နည်း။ ရည်ရွယ်ချက် ဆိုသည်ကို ရရှိပိုင်ဆိုင်ဖို့ ကျွန်တော့်မှာ ဘာအရည်အချင်းတွေ လိုအပ်ပါသနည်း။ ကျွန်တော် မသိပါ။ ထိုအခါ ကျွန်တော်သည် ကျောင်းပြေးပါသည်။ ကျွန်တော့်အား ကျောင်းမှ မိမိ ဘာဝါသနာ ပါသည်ကို သိရန် သင်ကြား မပေးနိုင်သောအခါ ကျွန်တော်သည် ကျောင်းပြင်ပမှာသာ ၀ါသနာပါသည့် အရာကို လိုက်လံ ရှာဖွေခဲ့ပါသည်။ ကျွန်တော် ပြေးသည်။ ပြေးပြီးရင်း ပြေးသည်။ ကျွန်တော့်ကို ကြယ်ကလေး တစ်လုံးက ဖမ်းမိသွားသော အခါမှ ကျွန်တော် အပြေးရပ်သွားခဲ့ ပါသည်။



ဒုတိယ ကျွန်တော်



အဖေက ကျွန်တော့်ကို အောင်မြင်သော ပွဲရုံပိုင်ရှင် တစ်ယောက် ဖြစ်စေချင်သည်။ အမေက ကျွန်တော့်ကို အရာရှိကြီးကြီး ဖြစ်စေချင်သည်။ ကျွန်တော်သည် ကိုယ့်ကိုကိုယ် ဘာဖြစ်ချင်သည်ဟု မသိခဲ့ဘဲ သီချင်းရေးစပ်သူ ဂစ်တာသမားတစ်ယောက် ဖြစ်ခဲ့ရပါသည်။ ကျွန်တော်သည် ဘာကြောင့် ဟူသော အကြောင်းပြချက်ကို လုံးဝ စိတ်မ၀င်စားပါ။ လူ့ဘ၀ကို အလိုက်သင့် မျောပါရင်း ကမ်းတစ်ခုခုသို့ ကပ်မိသည့် အခါ ထိုကမ်းသည် ဘယ်ကို ရောက်မလဲဟုသာ စိတ်ဝင်စားပါသည်။



ကျွန်တော်ချစ်သော ကျွန်တော့်ကိုချစ်သော ကြယ်ကလေး တစ်ပွင့်က ပြောပြသည့် မျှော်လင့်ချက် ဆိုသည့် အကြောင်းအရာလေးကို ပထမဦးဆုံးအကြိမ် သီချင်းတစ်ပုဒ်အဖြစ် ရေးစပ်သီဖွဲ့စဉ်က ကျွန်တော့်မှာ ဂစ်တာလေး တစ်လက်ပင် မပိုင်ဆိုင်ခဲ့သေးပါ။ ထိုသီချင်း တစ်ပုဒ်အား ကျွန်တော် ရောင်းချ ပစ်လိုက်သောအခါ ရရှိသည့်ငွေသည် ရော်ဘာဖိနပ် တစ်ရံထက် ပို၍လိုအပ်သော အရာများစွာ ရှိသေးသည်။ ထိုအထဲမှ အလိုအပ်ဆုံး အရာမှာ ဂစ်တာတစ်လက် ဖြစ်သည်။ ဂစ်တာလေး တစ်လက် ပိုင်ဆိုင်ဖို့ ကျွန်တော်ဘာတွေ လုပ်ခဲ့ရပါသလဲလို့ ကြယ်ကလေး မေးမြန်းသောအခါ ကျွန်တော်သည် သိမ်ငယ်စိတ်ဖြင့် မျက်ရည်ကျခဲ့ရသည်။ သို့သော် ကျွန်တော် မဖြေပါ။ သို့သော် ကြယ်ကလေး သိနေခဲ့လိမ့်မည်ဟု ကျွန်တော် ထင်သည်။ ကြယ်ကလေးသည် ညစဉ် ညတိုင်း ကျွန်တော့်ကို စောင့်ကြည့်နေခဲ့သည် မဟုတ်ပါလား။



ကျဉ်းမြောင်း လှောင်ပိတ်သော အခန်းကျဉ်းကျဉ်းလေး တစ်ခုဆီသို့ အပြန် ညကာလများတွင် ကျွန်တော်သည် ကောင်းကင်ကို မော့ကြည့်ကာ ကျွန်တော့် ကြယ်ကလေးနှင့် စကားပြောခဲ့ ရသည်။ ကျွန်တော် ငိုလျှင် ကြယ်ကလေးက ကျွန်တော့်ကို ချော့မော့သည်။ ကျွန်တော် ဒေါသကြီးလျှင် ကြယ်ကလေးက ကျွန်တော့်ကို ဖျောင်းဖြသည်။ ကျွန်တော် အိပ်ပျော်သွားလျှင် ခဏကြာတော့ ကြယ်ကလေးက ကျွန်တော့်ကို နှိုးသည်။ ထို့နောက် ကျွန်တော့်ကို ဂစ်တာ တီးခိုင်းသည်။ သီချင်း စပ်ဆိုခိုင်းသည်။ ထိုကာလများ မည်မျှ ကြာခဲ့သနည်းဟု ကျွန်တော် ဘယ်တော့မှ မတွေးပါ။ ကျွန်တော် ပျော်ခဲ့ပါသလား။ ကျွန်တော် ပျော်ခဲ့သည်ဟု ပြောလျှင် ခင်ဗျားတို့ ယုံချင်မှ ယုံလိမ့်မည်။ သို့သော် ကျွန်တော် တကယ် ပျော်ခဲ့ပါသည်။ ကျွန်တော်သည် ဂစ်တာလေးကို ကျွန်တော့် ကိုယ့်အင်္ဂါ အစိတ်အပိုင်း တစ်ခုပမာ ချစ်မြတ်နိုးသောကြောင့် ဂစ်တာကြိုးများမှ ထွက်လာသော သံစဉ်များသည် ၀မ်းနည် ကြေကွဲ ရသည်ပင်ဖြစ်စေ ကျွန်တော့်အတွက်တော့ အဖိုးမဖြတ်နိုင်သော ရတနာများသာ ဖြစ်သည်။ ကျွန်တော့်ဘ၀သည် သီချင်းများပင် ဖြစ်ပါသည်။



ကျွန်တော်က သီချင်းတွေအပေါ် အမြတ်တနိုးထားပါလျှင် သီချင်းတွေက ကျွန်တော့်ကို ကျွန်တော်လိုသမျှ အရာအားလုံး ပေးပါလိမ့်မည်ဟု ကြယ်ကလေးက ကျွန်တော့်အား ပြောပြဖူး၏။ ကြယ်ကလေးသည် မှန်သော စကားကိုသာ ဆိုတတ်ခဲ့သူ ဖြစ်သည်။ သီချင်းများသည် ကျွန်တော့်အား ကျွန်တော် တောင်းသမျှ အရာများကို ပေးခဲ့ပါသည်။ အသေးအဖွဲ့ ပစ္စည်းများမှ အစပြု၍ တန်ဖိုးကြီးမားသော ပစ္စည်းများ အထိ တစ်စတစ်စ တိုးကာ ပေးအပ်ခဲ့သည်။ အချိန်ကာလ များစွာ ကြာခဲ့သည်ပဲ ပြောစရာ ရှိပါသည်။

ထိုအရာများ ဘယ်တော့ ကျွန်တော့်ထံမှ ပျောက်ကွယ် သွားမည်နည်းဟု ကြယ်ကလေးအား ကျွန်တော်မေးသောအခါ ကြယ်ကလေးက ရယ်မောပါသည်။



မင်းရဲ့နောက်ထပ် ကိုယ်ပွားတစ်ယောက်ကို ငါ့ဆီမှာ မင်းမြင်တွေ့နေရသမျှ မင်းမှာ အဲဒါတွေ ရနေဦးမှာပါ ဟု ဖြေခဲ့သည်။

ထို့ကြောင့် ကျွန်တော်သည် ညစဉ် ကြယ်ကလေးထံမှာ ကျွန်တော် ရှိမရှိကို လိုက်ရှာ ကြည့်လေ့ရှိသည်။ ထိုကျွန်တော်ကို ကျွန်တော် မြင်ရပါသည်။ 



တစ်ခါတစ်ခါ ကျွန်တော်တို့နှစ်ယောက် စကားပြောကြပါသည်။ တစ်ခါတစ်ခါ ရန်ဖြစ်ကြပါသည်။ ထို ကျွန်တော်က ကျွန်တော့်အား လောကတွင် အရေးအကြီးဆုံးမှာ အကြောင်းရင်း သို့မဟုတ် ဘာကြောင့် ဆိုသည့် မေးခွန်းတွေ ဖြစ်သည်ဟု ပြော၏။ ကျွန်တော် သဘောမတူပါ။ လောကတွင် အရေးအကြီးဆုံးမှာ ဘယ်ကို သွားမည်လဲ။ ဘယ်တော့ သွားမည်လဲ။ ဘာတွေ ရမည်လဲ။ ဘယ်လိုအသက်ရှင်နေထိုင်ပြီး ဘယ်လို ပျော်ရွှင်ကြမည်လဲ။ ထိုအချက်များသာ ရှိသည်ဟု ကျွန်တော်ထင်သည်။ သို့သော် ကျွန်တော်တို့ နှစ်ယောက် စကားပြောတိုင်း ကျွန်တော်သည် လောကအပေါ် ပို၍ပို၍ သဘောပေါက် လာခဲ့ပါသည်။ ကြယ်ကလေးမှ တဆင့်သိရသော ထိုကျွန်တော်ကတော့ ကျွန်တော့်ကို မကျေနပ်ပါ။ တချိန်ချိန်တွင် ကျွန်တော်တို့ နှစ်ယောက် အကြီးအကျယ် ပဋိပက္ခ ဖြစ်လာနိုင်သည်ဟု ကျွန်တော် ထင်ပါသည်။ သို့သော် ကြယ်ကလေးက ကျွန်တော်တို့ နှစ်ယောက်ကို ပေါင်းစည်းပေးပါလိမ့်မည်။



ကျွန်တော် နှစ်ယောက်



ကျွန်တော် တစ်ယောက်သည် ပင်လယ်ကမ်းစပ် ကျောက်ဆောင်ပေါ်တွင် မတ်တပ်ရပ်လျက် အောက်ဖက် ပင်လယ်ပြင်ကို ငုံ့ကြည့်နေသည်။ ပင်လယ် ဒီလှိုင်းများသည် ကျောက်ဆောင်ကို ၀ုန်းခနဲ ၀ုန်းခနဲ လာရောက် ပုတ်ခတ်နေချိန်တွင် ဖွာခနဲ လွင့်စင် မြောက်တက်လာသော ရေပန်း ရေမွှားများသည် ကျွန်တော့် ခြေထောက်ကို လာ၍ စင်တတ်သည်။ ဟိုးအဝေးက ပင်လယ်ပြင်နှင့် ကောင်းကင် အစပ် အနားသတ် မျဉ်းကလေးသည် ကျွန်တော့် မျက်စိအောက်မှာပင် တဖြည်းဖြည်း ၀ါး၍၀ါး၍ လာသည်။ ကောင်းကင်သည် ပင်လယ် ဖြစ်သွားပြီး၊ ပင်လယ်သည် ကောင်းကင် ဖြစ်သွားသည်။ ကောင်းကင်ဖြစ်သွားသော ပင်လယ်ထဲတွင် ကျွန်တော့် ကြယ်ကလေးကို ကျွန်တော် မြင်နေရပါသည်။ အချိန်မှာ ဆောင်းဥတု ဖြစ်နိုင်သည်။ နှင်းငွေ့များသည် တဖွဲဖွဲ ကျနေရာ ကျွန်တော့် ဆံပင်များသည် နှင်းငွေ့ဖြင့် စိုထိုင်းအေးစက်လာသည်။ နှင်းဖြစ်ပေါ်လာရခြင်း အကြောင်းကို ကျွန်တော့်အား တစ်ယောက်ယောက်က သင်ကြားပေးခဲ့ ဖူးပါသလား။ သင်ကြားပေးခဲ့သည် ဆိုလျှင် ထိုဘာသာရပ်သည် ပထ၀ီ ဘာသာရပ်လား၊ သိပ္ပံ ဘာသာရပ်လား။ ဘာပဲဖြစ်ဖြစ် ကျွန်တော် နှင်းတွေကို ချစ်ပါသည်။ ထိုအချစ်ကို ကျွန်တော့် အား ဘယ်သူကမှ သင်ကြားမပေးခဲ့ပါ။

ကျွန်တော် အခြားတစ်ယောက်သည် တိမ်စိုင်တိမ်လိပ် များပေါ်တွင် အိပ်လျက်ရှိသည်။ ကျွန်တော့်ကို တိမ်များသည် ဘယ်အထိ ခေါ်ဆောင်သွားကြ မည်နည်း။ အရေးမကြီးပါ။ ကျွန်တော်သည် သူတို့ခေါ်ဆောင်ရာသို့ လိုက်ပါသွားရန် အဆင်သင့်ပင် ဖြစ်ပါသည်။ ကျွန်တော့ ပါးပြင်နှင့် ဆံပင်များကို ရိုက်ခတ်လာသော လေသည် အေးမြ လန်းဆန်းလျက် ရှိသည်။ ထိုလေတွင် ရေခိုးရေငွေ့ ပါဝင်သလား ကျွန်တော် မသိပါ။ အချိန်မှာ နွေဥတု ဖြစ်သလား၊ မိုးဥတို ဖြစ်သလား။ ကျွန်တော် မသိပါ။ ကျွန်တော် သိသည်က ကျွန်တော့် ခန္ဓာကိုယ်တွင် လှည့်ပတ် စီးဆင်းနေသော သွေးများသည် ဂီတ သံစဉ်များ ဖြစ်သည်။ ကျွန်တော့် ရင်ထဲမှ နှလုံးခုန်သံများသည် ဂီတ သံစဉ်များ ဖြစ်သည်။ ကျွန်တော်သည် အသက်ရှူသွင်းလိုက်တိုင်း ဂီတကိုသာ ရှူမိသည်။ ကျွန်တော် အသက်ရှူထုတ်လိုက်သောအခါ ထိုအရာသည် သီချင်းများ ဖြစ်နေသည်။ ကျွန်တော် အိပ်ပျော်နေတာ မဟုတ်နိုင်ဘူးပေါ့။ နိုးတ၀က် အိပ်တစ်ဝက် ဖြစ်လေသလား ။ သို့သော် ဒါတွေက အရေးမကြီးပါ။ ကျွန်တော် ကြယ်ကလေးထံ ရောက်တော့မည်။ ကြယ်ကလေး၏ အောက်တည့်တည့် မြေပြင်မှာ ကျွန်တော့်အိမ် ရှိခဲ့ဖူးသည်။ ထိုနေရာမှာ ကျွန်တော်တို့ နွေးထွေး ပျော်ရွှင်ခဲ့ကြ ဖူးပါသည်။

ကျွန်တော့်အား တစ်စုံတစ်ယောက်က ခေါ်သံကြားရသဖြင့် လှည့်ကြည့်လိုက်သောအခါ ပြုံးနေသော ကြယ်ကလေး ဖြစ်နေ၏။ ကြယ်ကလေး၏ မျက်နှာတွင် ကျွန်တော် တစ်ယောက် ကိုလည်း ကျွန်တော်တွေ့ရသေးသည်။



နှင်းတွေကို လိုချင်သလား ကြယ်ကလေးက မေးသည်။

လိုချင်ပါတယ် ဟု ကျွန်တော် ဖြေလိုက်သည်။

ထိုကျွန်တော်သည် ပထမကျွန်တော်လား၊ ဒုတိယ ကျွန်တော်လား ကျွန်တော် မသိပါ။ ကျွန်တော့်လက်ထဲမှာ နှင်းမှုန် နှင်းပွင့် ကလေးများ၏ အေးမြမြ အတွေ့ကို ခံစားရသည်။ ဒါဖြင့် နှင်းကလေးတွေကို ပိုင်ဆိုင်သူမှာ ကျွန်တော် ပဲပေါ့။ တခြား ဘယ်ကျွန်တော်မှ မဟုတ်ဘူးပေါ့။ ကျွန်တော် နှင်းများကို လောဘတကြီး နမ်းရှိုက်လိုက်သည်။

ထိုအခါ ကြယ်ကလေး ပြုံးနေပါသည်။



ဂျူး

နတ်ဆိုး စာရိုက်သည်။

စာပေဂျာနယ် မဂ္ဂဇင်း၊ ဖေဖော်ဝါရီလ၊ ၁၉၉၆။