Wednesday, September 18, 2013

လြင့္

..................ဂရုမစိုက္ဘူး
ငါ့စိတ္နဲ ့ငါ့ကိုယ္ ဟာမိုနီျဖစ္ရင္ေတာ္ၿပီ
တခါတေလ
               ကိုယ့္ ကိုစိတ္ကေမာင္းလိုက္
တခါတေလ
               စိတ္ကို ကိုယ္ကေမာင္းလိုက္

မေက်လည္မႈေတြကို စုပံုထုပ္သိမ္းထားဖို ့
ဒီရင္ဘက္ႀကီးက ဂိုေထာင္စုတ္မဟုတ္ဘူး
ဖြင့္ခ်လိုက္မယ္ သြန္ခ်လိုက္မယ္
ခါထုပ္ သုတ္သင္ပစ္မယ္
ဘယ္သူ ့ကိုမွ ..................ဂရုမစိုက္ဘူး

ငါ့စိတ္ရဲ ့ျဖစ္တည္မႈ ငါ့မ်က္ႏွာမွာ အဖ်ားခတ္လိမ့္မယ္
ဒါေပမယ့္
              ပင္ပန္းမယ္ထင္ရင္ ေစြၾကည့္မေနပါနဲ ့
ငါ့ကိုဂရုမစိုက္တာေလာက္ေတာ့ ငါဂရုမစိုက္ဘူး

တိုင္မွာ ေႏွာင္ၿပီး လြင့္လူးရတဲ့ အလံထက္
ရင္ဘက္ႀကိဳးသိုင္းနဲ ့စြန္လို လြင့္ပ်ံရျခင္းထက္
ငါ့စိတ္ကို ပိုၿပီး လြတ္လပ္လြင့္ပ်ံခြင့္ ငါေပးတယ္

စည္းေတြအားလံုးရဲ ့အ့ပင္ဘက္အဆံုးမွာ
ငါေက်ာေပးရပ္မယ္
ငါ့ကိုယ္ပိုင္ယဥ္ေက်းမႈနယ္ေမွ ငါက်င္လည္က်က္စားမယ္
ငါ့စိတ္နဲ ့ငါ့ကိုယ္ ဟာမိုနီ ျဖစ္ရင္ေတာ္ၿပီ...................။   ။

@ ရွတာ

No comments:

Post a Comment

Featured Post

နေ့များအကြောင်း

ငယ်ငယ်တုန်းက ကျွန်ုပ်တို့ လူကြီးတွေကို မေးဖူးတာလေးတစ်ခုရှိပါတယ်။ "တနင်္ဂနွေ ကို ဘာလို့ တနင်္ဂနွေလို့ ခေါ်ရတာလဲ..။ စနေ ကို ဘာလို့ စနေ လိ...