Wednesday, September 18, 2013

စာခၽြန္

ေဟ့.....ညီေလး
       "ႏြားေျခစာခြက္ထဲက ဖားသူငယ္လိုေတာ့
        မက်င့္ႀကံေလႏွင့္"
        မင္းကုတင္ေဘးကျပတင္းကို
       လွမ္းၾကည့္လိုက္ပါ
       ဗီဇနာစည္းခ်က္ သံစဥ္ေတြနဲ ့အတူ
       ခုႏွစ္လႊာအက ကေနတဲ့
       ဒို ့မယ္ကမၻာသမီးပ်ိဳကို မင္းေတြ ့ရလိမ့္မယ္..

ဒီမယ္.....ညီေလး
       "၀ါလံုးေခါင္းထဲမွာပဲ လသာမေနႏွင့္"
        မင္းရဲ ့အခြံတြင္း လင္းရံုေလာက္ပဲ
        ေက်နပ္ေရာင့္ရဲ ေနေတာ့မွာလား
        မင္းကိုမင္းစိတ္ႀကိဳက္ ဆံုးစြန္းတိုင္ေအာင္
        ျဖန္ ့က်က္ထြန္းေတာက္ လိုက္စမ္းပါ......

ၿပီးေတာ့.....ညီေလး
        "ေစာင္ၿခံဳထဲကေနပဲ လက္သီးျပမေနႏွင့္"
        ရဲေသြးနီနီလွ်ံတက္ေနတဲ့ မင္းလက္သီးကို
        အားမာန္၀ံ့၀ံ့ ေျမွာက္ျပလိုက္စမ္းပါ
        ေက်ာမခံ ေက်ာမေပး
        ရင္ႏွစ္ျခမ္းနဲ ့ ရဲရဲရင္ဆုိင္လိုက္စမ္းပါ

အေျပာလြယ္ အလုပ္ခက္သတဲ့
       ဒီကိုယ္လည္း ႏြားေျခစာခြက္ထဲမွာ
       တခ်ိန္က အိပ္ေမာက်ခဲ့ဖူးတယ္
       ကိုယ့္အကာနဲ ့ကိုယ္ ႀကီးက်ယ္လွၿပီမွတ္ၿပီး
       မွိတ္တုတ္မွိတ္တုတ္ လုပ္ခဲ့ဖူးတယ္
       ေနာက္ဆံုးေတာ့လည္း.....
       လက္သီးထုပ္ျပၿပီး
       ဖေနာင့္နဲ ့တင္ပါး တသားတည္းပါေအာင္
       ေျပးခဲ့ဖူးတာ အမွန္ ။

@ ရွတာ

No comments:

Post a Comment

Featured Post

နေ့များအကြောင်း

ငယ်ငယ်တုန်းက ကျွန်ုပ်တို့ လူကြီးတွေကို မေးဖူးတာလေးတစ်ခုရှိပါတယ်။ "တနင်္ဂနွေ ကို ဘာလို့ တနင်္ဂနွေလို့ ခေါ်ရတာလဲ..။ စနေ ကို ဘာလို့ စနေ လိ...