Wednesday, September 18, 2013

ခ်စ္သူဖတ္ဖို ့

အေတာက္ပဆံုး နံနက္ခင္းတစ္ခုမွာ
ေသြးထဲထိ ရွတဲ့ နင့္စကားလံုးေတြကို
ငါ့ဒဏ္ရာေတြ ထဲေပါင္းထည့္
ၿပီးေတာ့ ငါးႏွစ္သားသံေယာဇဥ္နဲ ့ အခ်ိဳးက် ေရာစပ္ၿပီး
အလွဆံုးပန္းတပြင့္ ငါဖန္ဆင္းမယ္
နင္ပန္ဆင္ဖို ့.....

အၾကည္လင္ဆံုး ညေနခင္းတစ္ခုမွာ
ငါ့ႏွလံုးသားကို ထုေခ်
မာန္မာနေတြ ထိုးသိပ္
ေၾကမြသြားတဲ့ ေမွ်ာ္လင့္ျခင္းေတြ ျဖန္ ့ခင္း
ရနံ ့သင္းတဲ့တံတားတစ္စင္း ငါဖန္ဆင္းမယ္
နင္ နင္းေလွ်ာက္ဖို ့....

ဘယ္လိုအေၾကာင္းတရားေတြက
နင့္အမုန္းေတြကို ေၾကပ်က္ေစႏိုင္မွာလဲ
အမွန္ျပင္ဖို ့ႀကိဳးစားရင္း ငါအထပ္ထပ္မွားေနမိ
တစ္လမ္းသြားျဖစ္ေနရတဲ့ ငါ့အခ်စ္နဲ ့
ရင္ဘက္ထဲက ထြက္က်လာတဲ့ ရိႈက္သံ
ဒါေတြနဲ ့ ထိုက္တန္တာဟာ
နင့္ရဲ ့ ဥ ေပကၡာလား...

T-shirt အနီနဲ ့ ေကာင္မေလးေရ
ပင္လံုးကၽြတ္ ျပည့္ေနတဲ့ နင့္အမုန္းေတြ
ထပ္ၿပီး ေ၀မျပပါနဲ ့ေတာ့
နင့္အမုန္းေတြ ငါတယုတယ ထုပ္ပိုးလို ့
မုဆိုးတစေယာက္ရဲ ့ေရွ ့က သားေကာင္လို
ငါ့ႏွလံုးသားကိုငါ အဆံုးစီရင္ပစ္လိုက္မယ္
နင္ ေက်နပ္ဖို ့....

@ လူငယ္

No comments:

Post a Comment

Featured Post

နေ့များအကြောင်း

ငယ်ငယ်တုန်းက ကျွန်ုပ်တို့ လူကြီးတွေကို မေးဖူးတာလေးတစ်ခုရှိပါတယ်။ "တနင်္ဂနွေ ကို ဘာလို့ တနင်္ဂနွေလို့ ခေါ်ရတာလဲ..။ စနေ ကို ဘာလို့ စနေ လိ...